US President Donald Trump-a’n kum bul \anna-a neih \hin parliament in hnih, senate leh house of representatives \hukhawm hmaah thu sawiin dan loa US-a pemlutte dan a pawimawh thu uar takin a sawi a, ramri hung a tumna chuan party pahnihte ngaihdan a ti phir hle.

0
355
views

US parliament in hnih hmaa kum tina President in thu a sawi \hin, State of the Union ah hian Cabinet member te, sipai hotute leh Supreme Court-a roreltu engemawzat an tel a, Democrat hmeichhe engemawzat chu US ram chhunga hmeichhiate’n vote an neih theihna champha vawi 100-na lawm nan kawrvar halin an \hu bawk a ni.

Trump hian minute 82 chhung thu sawi a, ram chhung thil ngaihtuah tur pawimawh langsar zual a sawi a, hma lak dan tur mumal tak erawh a sawi tel lo a ni. Trump-a chuan dan loa pem leh ruihhlo tawlhruk tihtawp a nih theihnan US leh Mexico ramri chu bang sang taka hung a \ul tih sawiin, hei hi tih puitlin ngei a tum tih a sawi a, Democrate-te chu sum mamawh hi pekchhuah remti tur leh February ni 15 hmaa inremna siam turin a nawr leh a, Democrat te chuan ramri hung hi \ul lova sum khawhralna mai a nih thu an sawi thung a ni.

Democrat thuhnuaia House committee te’n a sorkar rorel dan leh a mimal sum hmandan chik taka zawh chhuah an tum chuan US economy a tibuai dawn niin Trump-a hian a sawi a. Democrate te hian kum 2016-a president inthlannaah Russia inrawlh ngeia hriat thu an sawi bawk.

An inbiaknaah hmasawnna hmuhtur awm lem lo mahse, Feb ni 27 leh ni 28-ah North Korea hotu Kim Jong-un-a nen Vietnamah an inhmu leh dawn tih Trump-a hian a puang bawk a. Taliban mifirfiakte te nena an inbiaknaa inremna siam theih a nih chuan Afghanistan ram chhungah ralmuanna a thlen theih tur thu leh kum 17 hnuah US sipaite koh haw theih an nih tur thu a sawi bawk a ni.

Trump-a thusawi hian Republican lam lawm a hlawh rualin Democrate te erawh an lungawi lo hle thung.