US President Donald Trump-a’n pawm a inhuam thu a sawi hnuah US Senate in ramri venhimna tur budget chu phur takin a pass a, hetihrual hian Trump-a chuan US leh Mexico inrina hungna tur sum mamawh a hmuh theihna turin national emergency puan a tum thu a puang zui bawk.

0
408
views

Dollar tluklehdingawn 333 hu budget pass takah hian ramri venhimna tur sum ruahman pawh a tel a, amaherawhchu hei hi Donald Trump-a sum beisei zat aiin a tlem hle thung a, budget pass tak hian dept \henkhat khar mai theih dinhmuna dingte chu chhanchhuak mahse, Trump-an ramri hungna tur sum mamawh a hmuh theihna tura national emergency puan a tum chuan mipui nawlpui ngaihdan a ti phir nasa hle thung.

Democratic party aiawh leh republican party aiawhte inremna ang chuan ramri hungna tur hian budget ah dollar tld. 1.375 dah a ni a, hei hi Trump-a’n sum mamawh hmuh a beisei dollar Tld 5.7 aiin a tlem zawk hle a ni.