US President Donald Trump-a’n Russia President Vladimir Putin nen inlaichinna \ha tak an nei tih G20 summit neih paha an inkawm zawh hnuah a sawi.

0
605
views

Kum 2018-a Helsinki-a hmaichhana an inbiak hnuah ram hruaitu pahnihte hi G20 summit kar lakah an inkawm leh a, Trump-a hian Putin-a nena an inkawm thei chu thil chhinchhiah tlak tak a ni tih sawiin, inlaichinna \ha tak an nei tih a sawi.

Helsinki-a an lo inbiak tawh hnu khan Trump-a leh Putin-a te hi inbe leh thuai tura rin an nih laiin, US president thlannaah Russia a inrawlh tia puhna a awm avangin hei hian khawvel ngaihven a hlawh hle a, Trump-a hi Russia nena inzawm rukna neia puhna a lian hle a, US special prosecutor Robert Mueller-a’n a chhui chianna-ah kum 2016 US president inthlannaah Russia hian inrawlhna chin a nei tih hmuh chhuah a ni a, Russia aiawh te leh Trump-a campaigner te inkarah inpawhna a awm tih hriat nimahse finfiahna erawh a awm lo thung. Trump-a hian Mueller-a hmuh dan hi ngaihruat thil thu chauh a ni a ti thung.