July thla chho a\anga sumdawnna kawnga an inbeih chhohna kal zelah Trump-a sorkar chuan he ruahmanna thar hi a puang leh ta a, US hian China-a a thawn luh aiin, China a\anga bungrua a lak luh a tam zawk fe a, tuna chhiah lak a tih pun leh tak hian company \henkhat chu na takin a nghawng dawn a ni. Trump-a hian China nena insumdawntawnna kalpui danah US chan a chhe lutuk niin President a nih hma pawhin a lo sawi tawh a, kum 2016 inthlan campaign lai pawhin China chuan US chu sumdawnna kawngah a pawngsual a ni ti hialin a lo sawi tawh a, August 2017 khan China sumdawnna kalpui dan zirchiangtu tur bik ruatin, tunah hian chhiah lak a ti pung chho ta zel a ni.
Hetihlai hian China chuan Washington in chhiah thar a lak avanga an tawrh lohna turin a hu tawkin an chhang let dawn tih a puang ve nghal a, Commerce Ministry chuan thuchhuah siamin US chet dan chu World Trade Organization dan dinglai kalh a ni a ti a. China chuan WTO ah US chu a khing dawn tih a sawi bawk.
