US President, Donald Trump-a’n Syria-a US sipaite a hnuhlet hnuah Turkey hian ramri pelin Kurdish mite a bei a, Republicans member te ngei pawhin Trump-a thil tih dan chu nasa taka sawiselin, ISIS mite beihna kawnga US Sipai \anpuitu Kurdish mite thlahthlamah an puh a ni.
Turkey sipai leh Kurdish te inbeihna kal chho mekah hian Trump chuan Vice President, Mike Pence leh National Security Advisor, Robert O’Brien te Ankara-ah tirh thuai a tum tih a sawi a, Pence chuan ramri hrula awm Kobane khua bei lo turin Trump-a’n Turkey President Recep Tayyip Erdogan-a a ngen niin a sawi a, United States of America-in Turkey chu inr<nna titawp turin a duh tih Trump hian a hrilh nia sawiin, Pence chuan inkahna chawlhsan rih tur te, Syria buaina tihtawp anih theih nan Kurdish sipaite biakrem a tum thu te Turkey a hrilh niin a sawi bawk.
