US leh Mexico inrina hungna tur sum mamawh congress in a pass theih loh avangin ni 18 chhung chu US sorkar hnuaia office \henkhatte khar a ni tawh a, mipui hmaa a thusawiah hian a thil tum ti hlawhtling tur leh congress pass pui kher lova a duh anga a chet theihna tur, emergency puan erawh a tum thu a sawi a sawi lang lo thung.
Trump-a hian dollar tld 5.7 sengin, Mexico nena an inrina hi thir hmanga hung a tum a, hei hi a campaign lai pawha a lo au chhuahpui tawh \hin kha a ni a, hetihlai hian House of Representative thununtu Democratic party lam chuan sum mamawh hi an pass sak duh lo a, hemi nghawng-a sorkar office \henkhat khar avang hian hnathawktu mi sing tel tam takin hlawh an la thei lo a ni.
Mipuite hmaa thu a sawiah hian Trump-a chuan hetianga sorkar office khar anih chhan hi Democratic Party MP te vang a ni a ti.
