Town hall-a darkar hnih vel thu a sawiah Trump hian a kaihhruai sorkar chu hri leng do kawnga che muanga an puhna a pha a, kumin chhungin coronavirus hri danna vaccine chu a siamtuten an peihfel hman a beisei tih sawi.
Hetihlai hian mi thiamte chuan hri danna vaccine chu thla 12 a\anga thla 18 thleng nghah a ngaih an ring tih an sawi thung.
US-ah hian tun dinhmunah coronavirus vanga thi mi sing 6 chuang an awm tawh a, khawvel coronavirus kai awm tamna ber leh thi tamna ber ram a ni.
Vaccine chungchanga Trump-a ngaihdan chu Dr. Anthony Fauci leh England Chief Medical Officer Chris Whitty te chuan an pawmpui lo va, Dr. Fauci chuan vaccine siam turin thla 18 vel a ngai tih a sawi a, Prof. Whitty chuan hri leng laka invenna emaw, inenkawlna tur damdawi emaw chu kum tharah pawh tlemte chauh an siam chhuah hman a ring tih a sawi bawk a ni.
