President nilai Nicolas Maduro-a’n ram dang a\anga \anpuina lut tur a dan beh tlat avanga Venezuela in harsatna a tawh chhoh mekah US President hian he thu hi a sawi a, Guaido hian nikuma Maduro-a thlan nawn a nihna chu inbumna mai nia sawiin, president-ah a inpuang a, ram 50 zetin an thlawp a ni.
Miami-a amah \antute leh Venezuela a\anga US-a tlan lut, mipui pungkhawmte hmaah thu sawiin US President Donald Trump-a hian Maduro leh a hote kaltlanga mipui chhawmdawlna thawn luh tur chu inrinni thleng khian ngaihchan a la ni ang a ti a, Maduro-a thuneihna la chelhtirtute chu khawvelin a thlir reng a ni a ti a, tuna Guaido-a’n ngaihdamna hun a siamsak chu chhawr \angkaia hlim taka an nun an hman theihna tura hma la turin sipai hotute chu a hrilh a ni.
Guaido hian an ram mipui ei leh bara harsatna nasa tak tawk mekte chhawmdawlna chawk luh a tum chu Maduru leh sipaite hian an dangbet a ni.
