US President inthlannaah Russia mi 13 an inrawlh niin FBI-in sawi

0
381
views

Kum 2016 US President inthlannaah Russia inrawlha puhna thubuaiah Russia mi 13 te chu inthlanna-ah hian an inrawlh niin FBI chuan a sawi. An zinga pathum chu internet kaltlanga sum lam kaihhnawiha midang bumah puh an ni a, midang panga chu mi nihna kimchang dan phal loha midang hnena hlan chhawngah puh an ni bawk. Russia inrawlhna chhuichiangtu Special Counsel Robert Muller chuan heng puhna te hi a siam a, Russia company pathum hming pawh a lang a, chung zinga pakhat chu Internet Research Agency St Petersburg-a inkhuar a ni. Chanchinbumite a kawmna ah Deputy Attorney General Rod Rosenstein hian he thubuaiah hian America mi inrawlh an awm hriat a la ni lo a ti a, Russia inrawlha avang hian inthlan result a danglamna hmuh tur a la awm lo a ti bawk. He puhna hi President pawh nimin khan hriattir a ni tawh tih White House thuchhuah chuan a sawi a, President Donald Trump chuan inthlan campaign laiin amah leh a thuihhruai tumahin dan kalha thil tih an nei lo tih a sawi.