US Secretary of State Mike Pompeo-a’n Japan Foreign Affairs leh Defence thuneitute a kawm.

0
146
views

North Korea-in US nen an indawrnaah Mike Pompeo inrawlh tawh lo turin phut mahse Pompeo chuan a hna a thawh chhunzawm zel tur thu a sawi a, President Donald Trump-a’n North Korea hruaitu Kim Jong Un-a ngaina hle mahse February thla-a inkawm \um khan Kim Jong-un laka khauh turin Pompeo hian thurawn a pe nasa hle nia hriat a ni a, hei vang hian North Korea chuan Pompeo hi bang turin a phut ta nia rin a ni. Pompeo chuan North Korea thil phut vang hian engmah tih danglam a nih loh tur thu leh a nihna a chelh chhunzawm zel tur thu a sawi a, a lakah North Korea hi lungawi lo hle mahse inbiakrem a la beisei tih a sawi a ni.

US-in North Korea nuclear ralthuam tih tawp tir a tum hi Japan chuan a thlawp thu a lo puang tawh \hin a, Prime Minister Shinzo Abe chuan kum 1970 a\anga 1980 chho-a North Korea-in Japan mipui an rukbo chungchangah khauh taka hma lak a tum thu pawh a campaign-naah a lo sawi tawh \hin bawk a, Foreign Minister Taro Kono chuan Washington-a an inkawmaah hian nucler, missile leh mipui rukbo thubuai hi tihfel a nih chuan Japan hian North Korea nen inkungkaihna pangngai neih theih an beisei thu a sawi bawk a ni. Abe hian kar leh lamah Trump hmu turin Washington a tlawh dawn a, Japan lal atan Naruhito nemgheh a nih hnua mikhual hmasa ber ni turin thla leh lamah khian Trump leh a nupui Melania te chuan Japan an tlawh dawn bawk a ni.