An inkawmnaah hian US remtihnaa Iran a\anga India-in tuialhthei lei a tum chungchang te, Russia nena ralthuam lama indawr an tum dan chungchang te, hel pawl te chetna dolet leh insumdawntawnna chungchang te an sawidun a ni. Hemi hnu hian Mike Pompeo hian National Security Adisor, Ajit Doval a kawm bawk.
Foreign Minister, S. Jaishankar chuan Pompeo nen an inkawmnaah ram pahnih te inkara insumdawntawnna lam hawi an sawidun ber tih a sawi a, ram pahnihte sukthlek inan lohna awm mahse, harsatna chingfel tura pawm tawn theih ruahmanna dap chhuah dan tur te pawh an sawi dun a ni.
India-in Russia hnen a\anga missile lei a tum chu US hian \hulh tura a duh thu a hriattir a ni. PM Narendra Modi hian tunkara Japan Osaka-a G-20 summit neih turah US President, Donald Trump a kawm dawn bawk a ni.
