Facebook group-a an thil post \henkhatah chuan hetianga US-a pemluh tumte zinga mithi-te ruang an nuih sawhna te, Latin hnam zinga Congress member tih nawmnahna te a tel a, Border Patrol hotulu, Carla Provost chuan heng thil hi thutak hla taka lak tur a awm lo niin a sawi a, hnathawktute zingah sipai inenkawlna dan bawhchhia an awm chuan an chungah hremna lek a ni ang a ti.
Thawh\anni khan Latin Congress member ten Texas-a pemkualte dahkhawmna hmun an tlawh a, hetah hian ramri vengtu sipaite chuan Congress member te hi deuhsawhin \awngkam bawlhhlawh tak takin an lo tawng khum a, an zingah hian America mi Politician, New York Palai, Alexandria Ocasio-Cortez leh Texas Palai Veronica Escobar te pawh an tel a ni.
Border Patrol Assistant Commissioner Matthew Klein chuan Homeland Security Deptt.-in thil thleng chungchang hi a ngaihven a, a chhui chiang mek tih a sawi.
