US sipaiten Afghanistan-ah kum 2019 chhung khan bomb 7,423 an thlak a, kum 2018 aiin an thlak tam zawk tih US Air Forces Central Command-in a tarlang.

0
385
views

Barack Obama President a nih lai, kum 2009 khan Afghanistan-ah US hian bomb 4,174 a thlak a, hei hi Barack Obama a president laia thlak tam ber \um a ni.

Kum 2016-a Donald Trump-a President atana thlantlin a nih a\ang khan US chuan boruak a\anga bomb thlak chu a uar chho hle a, indonaa civil mi hliam an nih loh nan Washington chuan thil mamawh chi hrang hrang a paihthla a, US emaw Afghan sipaite target tur a bithliahsak bawk a ni.

United Nations leh right group te chuan van boruaka US leh Afghan sipaite inkara indona a pung nasa lutuk chu sawiselin civil miten an tuar nasa zawk niin an sawi a ni.

Pathiannia Balk province-a inkahnaah civil mi 7, naupang pathum telin kahhlum an ni a, mi tam takin an sawisela, lungawilohna an lantir a ni.

Tun thla tir lam khan Afghanistan province Herat-ah Taliban splinter group commander thah tumin US drone chuan a veh a, civil mi 60 aia tam an thih phah nia sawi a ni.