Iran Revolutionary Guard Corps, IRGC Quds Force hotulu Qassem Soleimani thah a nih thuah hian Iran chuan na taka phuba lak a nih tur thu a puang nghal a, Iraq Caretaker Prime Minister Adel Abdul Mahdi chuan Iraq ram chhunga US chetna chu a dem thu sawiin, indona rapthlak tak cho chhuak tur a ni a ti.
Syria pawhin US chu Middle East-a buaina tih punlun tumah a puh a, Turkey Foreign Ministry pawhin Soleimani-a thihna chuan Middle East dinhmun a ti derthawng leh zual a ni a ti a, Russia pawhin US chet dan hi sawiselin, Soleimani chu Iran tana \hahnem ngai taka beitu a ni a ti a, Iran mipuite an tawrhpui thu a sawi.
United Nations Secretary General Antonio Guterres chuan Middle East-a buaina inmun thar chu pawi a tih thu sawiin, ram hruaitute chu insum \heuh turin a chah a, Gulf-a indona dang chawh chhuah leh chu khawvelin a tlin lo a ni a ti. China pawhin ram hrang hrang a bikin US chu chet thawh lova insum turin a duh tih a sawi.
Israel Prime Minister Benjamin Netanyahu chuan Israel in amah invenna tura hma a la thei ang bawkin US pawhin a invenna turin Soleimani chu a ti hlum thei a ni a ti a, Soleimani chu Ameica mi te leh pawisawi lo tam tak thihnaa mawhphurtu a ni a ti.
