US sorkar-a department \henkhat, sum hman tur awm loh vanga khar leh a nih loh nan MP rualten Homeland Security leh bill dang 6-ah inremna an siam a, White House pawmpuina an nghak mek.

0
413
views

US leh Mexico ramri hung chungchangah Democrat te leh Trump-a ngaihdan inang lo vangin hapta engemawzat chhung chu inremna siam theih a ni tawh lo a, Democrat te leh Republican te’n inremna bill an siam takah hian dollar dollar tld 1.375 pek tiam a ni a, hei hi Texas-a Rio Grande Valley bial-a kilometer 89 vela thui bangsang sak nan-a hman theih dawn a, sum pek an tiam hian a hmaa President Donald Trump-a sum ruahman dollar tld 5.7 a phak lo hle a, he an inremna hi hlenchhuah a nih theih nan White House remtihna a la ngai a ni.

He inremna puan a nihlai hian Trump hian Texas-a El Paso-ah campaign a huaihawt a, hetah hian an inremna bill hi zirchianna hun a la neih loh thu sawiin tharum thawh ching dan bawhchhe \hinte tipungtu tur bill-ah a hming ziah hnan a tum loh thu a sawi a, Mexico nena an inrina chu bang sanga hung ngei a ni dawn tih a sawi. Trump-a hian zirtawpni hmaa he bill hi a sign loh chuan, sum awm loh vangin dept \henkhat chu khar a \ul leh dawn a ni.