He dan thar hnuaiah hian US-a kum hnih emaw a aia tam emaw an awm tawh ngei a ni tih finfiahna nei lo te chu Immigration Court-a an chungthu ngaihtuah ngai lovin awlsam zawk leh rang zawnga thawn kir theih an ni dawn a. Dan thar hi a rang thei ang bera hman \an tum a ni.
Tuna dan awmsaah chuan ramri bula pemlutte dahkhawmnaa kar hnih aia tlem awm te chauh thawnchhuah theih an ni rih a ni.
US-a pemlutte enkawlnaah ngun taka endikna kalpui zel a ni a, Mexico chhimlam ramria pemlutte dah lailawkna hmun chu enchik deuh bik a ni.
Homeland Security Secretary, Kevin McAleenan chuan dan thar hman a nih hunah chuan mi \henkhat phurrit a chhawk zangkhai ang a, ramria pemlutte dahkhawmna tawt lutuk pawh a ziaawm phah dawn a ni a ti.
