National Economic Council-a Director Larry Kulow chuan America senator te’n Venezuela-a \anpui ngaite \anpuina tur Humanitarian Aid dollar mtd 400 hu pek phalna tur an ruahman tawh thu leh sorkarin bank leh International Monetary Fund te nen Venezuela sum leh pai dinhmun tla chhe mek tihnun tum hian an thawh \an tawh thu a sawi a, chak taka thawh an tum thu a sawi bawk a ni.
Eptu pawl hotu Juan Guaido hi US tiamin ram 50 chuangin President lailawkah an pawm a, President nilai nicolas Maduro hi Russia, China leh Cuba-in an thlawp thung a, Venezuela mipui ten sum tlakchham vangin hun khirh tak an tawk mek a, eitur tlakchhamna leh natna a hluar \an mek bawk a, hetihlai hian President Maduro chuan an ram chhugah ram dang a\anga \anpuina Humanitarian Aid luh a khap tlat a ni.
US hian Maduro hi vawi tam tak a nihna bansan turin hrilh mahse Maduro chuan Venezuela sipaite chakna hmangin a thuneihna hi a chelh tlat a, Kudlow chuan Maduro paihthlak a nih veleh heng \anpuina sum hi ram chhungah a lut dawn tih a sawi a, bank, iPhone leh apps dang hmanga chhunluh a nih tur thu a sawi a, a tir lamah chuan Venezuela ram pawisa bolivares ni loin dollar-a pek a nih tur thu a sawi bawk a ni.
