US State 16 \angrualin California state kaihhruaina hnuaiah President Donald Trump-a’n Mexico ramri hung tuma Emergency a puan chu an khinglet.

0
377
views

Trump-a hian Mexico ramri hungna tura a sum mamawh dollar Tld 5.7 chu Congress in a pass sak duh loh avangin zirtawpni khan congress thuneihna thlawh khumin emergency a puang a, hei hi president thuneihna hmansualna a ni tiin US State hrang hrang 16 \angrualte hian an khinglet a ni.

Democratic party chuan a tir a\angin Donald Trump-a campaign auhla, Mexico ramri hung hi an dodal a, politics-a in nawr tawnna nasa tak karah Donald Trump-a hian sorkar dept \henkhatte khar lohna tawk tur sum ruahman tlem azawng chu pawmin a hming a ziah hnan a, hetah hian ramri hungna tur sum chu dollar tld 1.37 chauh a tel avangin Trump-a hian a duh zat sum a hmuh theihna turin Emergency hi a puang zui ta a ni.

Tuna US State hrang hrang 16 te hian hetianga congress in sum a ruahman fel tawh, a mimal duh dana lo tih danglam chu President thuneihna piah lam a ni an ti a, California Attorney General Xavier Becerra chuan chhiah petute chhiah pek tlingkhawm dik lo taka ruk tumna a ni a ti.