Kum 2016-a US President thlan anih dawn khan US leh Mexico inkar ramri hung siam chu Trump-a campaign au hla a ni a, California-a federal judge-in ramri hungna bang siam nana president sum hman tum chu a dodal a, hemi hnu hian Supreme Court-a ngaihtuah a nih hnuah a sum hman tur chu Pentagon a\anga pek chhuah remtih a ni.
He sum hi California, Arizona leh New Mexico-a bang siam nan hman a ni dawn a ni. Trump chuan ramri hung a hlawhtling tur chu a lawmthu twitter-ah a tarlang a, hnehna ropui tak a ni a ti a, ramri hungna bang an siam chuan dan lova ramri kan an awm tawh dawn lo a ni a ti.
Honduras leh El Salvador a\anga Guatemala paltlang pem \hinten US an pal tlang loh nan Guatemala-ah chawla anmahni hum theitu tur ngaihtuah turin US leh Guatemala chuan Zirtawpni khan inremna an lo siam tawh a ni.
