US thalai rual khat leh anmahni thlawptu mi 100 rualte chuan silai khuahkhirhna dan khauh zawk siam phut

0
681
views

US thalai rual khat leh anmahni thlawptu mi 100 rualte chuan silai khuahkhirhna dan khauh zawk siam phutin nimin Presidents Day ah khan White House pawnah an pungkhawm a. Heng thalai rualte hi White house kawtah an mu tlar a ni. Rawlthar rualte hi ‘Teens for Gun Reform’ tia sawi an ni a, mi 17 te chu a rualin minute 3 chhung leiah an mu a, hei hi Nikolas Cruz a’n zirlai leh zirtirtu mi 17 kaphlum tura hun a mamawh rei loh zia an lantirna a ni. Heng rawlthar rualte zinga an hruaitu Elanor Nuechterlein leh Whitney Bowen te chuan silaia in pawng kahna rapthlak tak thleng fo chu a thlen nawn tawh lohna turin ram hruaitute hma la turin an ngen tih an sawi a, kan class room theuhah him tak leh thlamuang taka awm kan duh a ni an ti.