US thuneituten Facebook chu a hmangtute mimal chanchin humhim lova puh vangin dollar tluklehdingawn 5 chawi turin an ti a, hei hi facebook in lei a chawi tawh zinga a sang ber tur a ni.

US-a Federal Trade commission hian facebook puhna hi an chhui chiang a, politics zirchiangtu pawl pakhat Cambridge Analytica chuan facebook hmangtu mi maktaduai 87 te mimal chanchin a lakhawm nia sawi a ni a, dan kalha mimal chanchin lakkhawm chungchang hi FTC hian nikum march a\ang khan an chhui \an a ni. Facebook hian kum 2011-a inrem siam a bawhchhia em tih chu an thlurbing ber a ni a, kha inremnaah khan facebook hmangtute chu an mimal chanchin lakkhawm anih dawn chuan anmahni duhthu ngeia lak a ni tih chiang taka hriattir hmasak an ngai a ni.