Ningani khan Treasury Department chuan North Korea nena sumdawng China company hrekna a ti chhuak a, Donald Trump chuan North Korea chunga hrekna lian tham zual lo duan lawk tawhte chu sut turin thupek a chhuah leh a, press secretary chuan US President hian North Korea hruaitu Kim Jong-in chu a ngainat avangin hrek hi \ul a ti lo tih a sawi.
Thla hmasa-a Hanoi-a Kim nena an inhmuhnaah North Korea-in ram sum leh paia hrekna sut tura a ngenna a hnar hnuah tunah Trump-a thuthlukna hian mak tih a hlawh hle a ni. Hetihlai hian US in North Korea a hrek mekna kallai te erawh a ngaiin a la kal thung.
