US Vice President-in Afghanistan tlawh

0
658
views

US Vice President, Mike Pence-a’n nimin khan sawi lawk lohvin Afghanistan a tlawh thut a, Afghan ram hruaitute leh US sipaite a kawm a ni. Afghanistan ram hi America ramin indona a hmachhawn zinga a rei ber a ni a, kum 16 a awh tawh a, ven himna nasa tak hnuaiah Pence-a hian nimin tlai ni tl^k hnuah khan sipai thlawhna hmangin he rama US sipaite awmna hmun lian ber, Bagram Air Base a thleng a, hemi hnu hian President Ashraf Ghani kawm turin helicopter-in Kabul a pan leh a, hemi hnu hian Bagram Air Base-ah vek hian US sipaite leh an hotute kawm turin a kir leh a, he rama US sipai hotu lu, Gen. John Nicholson leh hotu dangte a kawm a ni. President Donald Trump-a chuan thla li vel kal ta khan, Afghanistan rama an ch>t dan chu thlak a, an leidote hneh ngei ngei tur zawnga ch>t a, Al Qaeda mi firfiakte nuai ral vek a duh thu a lo sawi tawh a, he rama rei tak an ch>t tawh dan chu a sawt loh b^kah a hautak lujtuk niin a sawi. Afghanistan ramah hian US sipai 15,000 vel an awm a, thawn belh tum mek a ni. Tun hnaiah Secretary of State, Rex Tillerson leh Defense Secretary, Jim Mattis pawhin he ram hi an lo tlawh tawh a, Taliban mi firfiakten Kabul \umhmuna James Mattis-a thlawhna hi tihchhiat tumin an bei nghe nghe a ni.