Pawikhawihtu hi he building-a hnathawk a ni a, police officer kahhliam pakhat chuan pawikhawihtu hian building chhawng tinah thlei bik nei lovin mi engemawzat a kap tih a sawi a, police officer 3 dang nen an inbeihnaah kahhlum a ni tih a sawi a ni. Police hotu James Cervera chuan building chhung bakah hian pawna lirtheia chuang mi pakhat kah an ni tih a sawi a, hliam tuar zinga mi 4 te dinhmun chu a hniam hle nia sawiin, thi te pawh an chhungte hriattir mek an ni tih a sawi bawk.
Cervera, Virginia Mayor leh governor te chuan hnathawk 400 awmna building-a thil thlendan rapthlak tak chu an puang a, pawikhawihtu hi a nihna hre tawh mahse a chhungte an hriat theih hma chu a hming an puan loh tur thu an sawi a ni.
