USA-a Chin Baptist Church-in vawiin khan Mizoram hmun hrang hranga chhiat tawkte \anpui nan Central YMA kutah US dollar 23,000 a hlan a. Hemi puala inkhawm, Tuikhuahtlanga Central YMA Pisa-a neiah Chin Baptist Church General Secretary, Rev. Dr. C. Duhkam-a’n Central YMA Vice President, Pu R. Lalngheta hnenah hi a hlan a ni. Rev. Dr. C. Duhkam chuan, kum 2015-a Myanmar-a tuilian leh leimin tuar, Zohnahthlak-te, Mizorama pawl hrang hrangin an \anpui dan chu an theihnghilh loh thu leh hei hian Zofate inpumkhatna chu a tihhmasawn thu a sawi. Chin Baptist Church-in Mizorama chhiat tawkte tana \anpuina a hlan hi India pawisa-in cheng nuai 15 vel a ni a, Central YMA President, Pu Vanlalruata pawhin, ruahsur nasa avanga Mizoram hmun hrang hranga chhiat tawkte \anpuina tura Central YMA-in vehbur a khawn chu October ni 11 khan sem ni tawh mah se, tihhmaih palh leh la sem bang a la awm nual avangin tuna mi nen hian sem chhuah leh a nih tur thu a sawi a ni. Vawiina Chin Baptist Church-in Mizorama chhiat tawkte tana \anpuina a hlannaah hian DM&R Minister, Pu C. Ngunlianchunga pawhLairam Isua Krista Baptist Kohhran Upa a nih angin a tel a ni.
