Uttar Pradesh khawthlang lam, Firozabad-ah chuan thla hlui, December ni 20-a buaina chhuakah mi 4 an thi a, thubuai 35 ziahluh a ni a, Firozabad Police ten mi 14 manin tan inah an khung a ni.
Tharum thawha buaina a reh deuh hnuah Firozabad Police te chuan hriattirna chhuahin an chhehvela muanna tichhe zawnga Police te an che lo tih tifiah turin mi 200 vel an ngen a, chung zingah chuan kum 93 mi, Fasahat Meer Khan leh kum 90 mi, pneumonia vanga Delhi damdawi ina hunrei tak inenkawl tawh, Sufi Ansar Hussain te pawh tel a ni.
Fasahat Meer Khan hi Firozabad-a college dintu a ni a, Hussain hi an khuaa mosque enkawltu a ni. An pahnih hian an khawtlang a lo ralmuan zawk theih nana hma latu, local peace committee member an ni a, Police te nen pawh an khawtlang a lo ralmuan zawk nan hma an la ho \hin a ni.
Police te chuan magistrate hmaa inlan a, intiamkamna cheng nuai 10 an pek hnua bail theihna ziak turin an ti a ni.
Ansar Hussain chuan December ni 25-a Delhi Gangaram Hospital a\anga a awm thu leh nimin maia damdawi in a\anga a chhuah thu sawiin, a chunga Police te thil tih dan chu mak a tih thu a sawi a, a hun kal tawh zawng zawngah an khuaa remna leh muanna a awm theih nan hun a hmang tih sawiin, kum 90 a ni tawh chunga a chunga thil thlen dan chu a hriatthiam loh thu a sawi a ni.
Hetih lai hian Uttar Pradesh sorkar chuan he thilah tih dik loh a awm lova, enfiah a ni ang tih a sawi thung.
