Uttar Pradesh-ah rel chesual, mi 3 thi

0
342
views

Uttar Pradesh-a Chitrakoot-a Manikpur rel station bulah tukin khan rel pakhat a chesual a, mi pathum an thi a, mi dang pakua vel an hliam. He chetsualna hi tukin dar 4:18 vela thleng a ni a, rel thuneitute chuan Vasco Da Gama-Patna Express rel chetsual chhan hi a kawngah khi a awm vang niin an ring a, rel pindan 13 a let a, North Central railway zone General Manager, MC Chauhan-a sawi danin, rel thuneitute nen a hmunah kalin an endik tawh a, rel kawngah hian khi a awm niin a lang a, Railway Safety Commissioner chu rel chetsual dan chhui chiang tura ruat nghal a ni. A hmuna awmte chuan, rel khalhtu leh a vengtu chu railway officer-ten Manikpur-a guest house-ah thu an zawh fiah avangin an hreng niin an sawi. Uttar Pradesh CM, Yogi Adityanath chuan he thil thleng hi pawi a tih thu a sawi a, Railways Minister, Piyush Goyal chuan mitthi chhungte chu zangnadawmna, Rs. 5,00,000 \heuh, hliam na zualte cheng 1,00,000 leh hliam dangte cheng 50,000 \heuh pek an nih tur thu a puang a ni.