Nimin khan Uttar Pradesh-ah khawsak phung pangngai tibahlah khawpin ruah a sur nasa a, Lucknow, Amethi, Hardoi leh district danga thuneitute chuan school zawng zawng khar rih turin hriattirna an chhuah a ni.
Mitthi zinga a tam zawk chu tui lianin a lak leh kopang chimin a delh hlum te an ni a, tui liana tla te, rul chuk hlum leh \ekin a den hlum te an awm bawk a ni.
UP Chief Minister, Yogi Adityanath-a’n divisional commissioner leh district magistrate te chu chhiat tawkte \anpui a, chhawmdawlna pe tur leh thil tih \ul dangte buaipui turin a hriattir nghal a, awm hmun a\ang maia thil ti lo tur leh chhiat tawhna hmuna kalchilha, enfiaha, hmalak dan tur ngaihtuah turin a hrilh a ni.
CM hian mitthi chhungte zangnadawm nan cheng nuai 4 pe \heuh pe turin thuneitute a hrilh a, hliamte a thlawna enkawlna tur ngaihtuahsak turin a ti bawk.
Lucknow-ah pawh darkar 24 chhungin ruah millimeter 76.4 a sur vangin tui a lian a, hmun hrang hrangah thing tlu a tam hle bawk a ni.
