Uttar Pradesh Bulandshahr buaina chhuak avanga Police Officer pakhat leh civil mi pakhat thihna a thlen hnu ni 6-na ah he district-a police hotulu \henkhat chu transfer an ni.

0
494
views

Bawng thi ruang pakhat avanga buaina hi in\an a ni a, he District-a Senior Superintendent of Police Krishna Bahadur Sing chu Lucknow ah sawn a ni a, a aiawh turin Sitapur Superintendent of Police Prabhakar Chaudhary dah a ni. Police Officer dang pahnih pawh sawn chhuah an ni bawk. DGP OP Singh hova Police hotu lian zualte \hukhawmin thutlukna an siam angin police officer te hi sawn an ni a, report kimchang chu Chief Minister Yogi Adityanath hnenah thehluh nghal a ni bawk. Buaina chhuahna hmunah hian police te leh thuneitu dangte a hun takah an thlen hman loh avangin buaina hi a punlun phah tih report ah chuan tarlan a ni. Thawh\anni khan Inspector Subodh Kumar Singh leh a hote chu buaina hmehmih tumin thingtlang khuaah hian an kal a, mipuiin lo bei letin, Ispector Singh-a hi kut an thlak hnuah an kaphlum a ni. Police te chuan he buaina kaihhnawihah hian mi 8 an man tawh a ni.