Uttar Pradesh Chief Minister hlui ND Tiwari fapa Rohit Shekhar Tiwari thihnaah a nupui Apoorva Shukla Tiwari man a ni.

0
454
views

Kum 40 mi Rohit Tiwari hi April ni 12 khan vote thlak turin Utarakhand-ah a zin a, April ni 15 zanah a haw a, CCTV-a a landan chuan rui chungin a haw niin a hriat a, a tukah Max Hospitl-a in entira kal Rohit-a nu Ujjwala Tiwari chuan in lam a\angin a fapa a \hat loh thu leh a hnar a thi thu hrilh a ni a, damdawi in ambulance nen Rohit-a lam turin a kal a, damdawi in-a hruai a nih hnuah doctor te chuan Rohit-a hi a thih tawh thu an lo hrilh a ni.
Phone a hrilh a nihlai khan in lamah Rohit-a nupui, Apoorva, Rohit-a laichin unau Siddharth leh an awmpui te an awm tih police te chuan an sawi a, a tir lamah lung phu chawlh vanga thi nia rin chu lukham hmanga a thaw tihtawpsaka thah a nih thu an sawi a, a nupui Apoorva Shukla Tiwari chu ni 3 chhung zawhna an zawh hnuah an man a ni. Rohit-a nu Ujjwala chuan Apoorva leh a chhungte chuan a in hmun te chhuhsak tumin an beih reng \hin thu a sawi a ni.