Uttar Pradesh Mathura-ah Shubham Chaudhary nia hriat leh hmeichhe pakhatin kawngpuiah car an hal a, silai an hmet puak bawk.

0
66
views

Senior Superintendent of Police Shalabh Mathur sawi danin heng mi pahnih te hian kawngpui an dang chat a, silai an ken avangin mipui an tithlabar hle a, mipuite chu chechang lo tura hrilhin, eiruk a duh loh thu a au chhuahpui bawk a ni. Police ten inpe tura an hriattir hnuah anmahni car chu halin, van lam hawiin silai an hmetpuak a, hemi hnu hian an man ta tho a ni.

Shalabh Mathur chuan hetianga an chet chhan hi chhui mek a ni a ti a, Shubham Chaudhary chuan a hmeichhe thurualpui chu a nupui anga a sawi hnu lawkah a farnu angin a ko leh a, a changin sumdawnnaa a kawppui angin a sawi leh niin SP chuan a sawi a, Shubham Chaudhary hi Refinery Police Station bul hnaia cheng a ni a ti bawk.

Shalabh Mathur chuan silai leh ralthuam dang a neih dan an chhui mek thu sawiin, tun dinhmunah a hmeichhe hruai chu a nupui nge a farnu tih hriat theih a la ni rih lo niin a sawi bawk.