Vaihhlo atanga thil siam chi hrang hrang – Gutkha, Pan Masala leh a dangte khapna chungchangah hriattirna chhuah

0
531
views

Mizoram State Tobacco Control Society chuan vaihhlo atanga thil siam chi hrang hrang – Gutkha, Pan Masala leh a dangte chu mihring hriselna atana a that loh avanga khauh taka khap tlat niin a sawi. Hemi chungchanga vawiina hriattirna a chhuahah Mizoram State Tobacco Control Society chuan heng thilte hi Health & Family Welfare Ministry-in The Food Safety and Standards (Prohibition and Restrictions on Sales) Regulations, 2011 hmanga a khap bakah Mizoramah pawh he dan tlawh chhan hian gutkha, pan masala, zarda bakah vaihlo leh nicotine telna chi reng reng khapna thupek, kum 2012 August thla khan sorkarin a tichhuak tawh niin a sawi a, Supreme Court pawhin nikum November ni 7 khan state hrang hrangte chu he dan hi khauh taka kengkawh turin a lo hriattir tawh a ni.