Valentines Day puala thisen pek runpui Association for Voluntary Blood Donation huaihawtna neihah Mizoram hmun hrang hrangah thalai rualten thisen Unit 888 an pe.

0
273
views

Association for Voluntary Blood Donation hotute chhinchhiah danin thisen petute zinga 646 chu mipa an nia, a bak mi 242-te chu hmeichhia an ni. Valentines day pual hian Aizawlah chuan, Association for Voluntary Blood Donation, MSACS leh Music Domain Mizoram \angho bultumin Dawrpui Multipurpose Hall-ah thisen pek runpui buatsaih a ni a, A hmanpuitu Health Minister Dr R Lalthangliana chuan, mahni tana hlawkna ni lo, midangte hmangaih vanga penchhuak ngam a, damna tura thisen hlu tak petute chu hming chherna ngaihsanawm tak a ni a ti. Dr R Lalthangliana chuan midang te tana luangchhuaka mahni insenga thisen pek chu Mizo hnam nihna nen pawh thil inhmeh tak a ni a ti. Aizawlah hian mipa 286 leh hmeichhia 85 in thisen unit 371 an pe a, thisen petute hi thil pek te hlan an nih bakah zaithiam te an zai bawk a ni.

Lungleia thisen pekna inkhawm Government College Multipurpose Hall-a neih chu Lunglei AVBD Vice President Pu Lalrammuana a kaihruaia, College Principal Pu LH Rothanga chuan thuchah sawiin Valentines Day chu hmangaihte tana hmangaihna lantirna ni niin a sawi a ni. Ditrict khawpui hrang hranga AVBD huaihawta thisen pek runpui neiha thisen pek zat chu, Champhaiah Unit 65, Kolasib-ah Unit 67, Mamit-ah Unit 38, Lawngtlaiah unit 40, Siaha ah Unit 55, Serchhipah Unit 65, MIMFR-ah Unit 31 leh Durtlanga Synod Hospitalah Unit 19 a ni.