Van thengrenga arsi keh them kap darh thei NASA-in siam tum

Arsi keh them khawvel su palh thei te van thengrenga Nuclear hmanga lo kap darh vek thei tur spacecraft siam tumin NASA in hma a la. Spacecraft duan mek hi Hammer tia vuah a ni a, tonne 8-a rit he spacecraft hian nuclear ralthuam phurin, arsi kehthem khawvel chhiatna thlen thei tur khawpa lian te chu van thengrengah a lo kap darh vek thei dawn a ni. Tunah hian feet 1,600 hawlhtlang zeta lian arsi kehthem asteroid Bennu tia sawi chuan darkar khata mel 63,000 zeta chakin Ni a hel mek a, tun dinhmunah chuan lei a\anga mel maktaduai 54 zeta hlaah a la awm avangin khawvel tan hlauhawm a la ni phak lo a ni. University of Arizona Professor Dante Lauretta chuan Bennu hian, Nuclear ralthuam chak tak a keng thei dawn tih sawiin, arsi kehthem khawvel tana hlauhawm thei ang chi chu vanthengrengah a kap darh thei ang a, khawvela nuclear ralthuam en chhin tawh ho aia a let 3 zeta chak, nuclear bomb a pai dawn a ni a ti.