France Environment Minister, Francois de Rugy chuan January ni 1 a\anga hman \an tur tuialhthei man an lo ruahman tawh chu a vaia sut leh a ni tih a sawi a, inrinni-a Paris khawpuia lungawilohna lantir tumte pawh \hulh turin a ngen bawk a ni. France President pisa pawhin inrinnia lungawilohna lantir an awm chuan tharum thawhna a chhuah mai an hlauh thu a sawi bawk a, hei vang hian an ruahmanna chu sut leh mahse, venhimna khauh tak dah a nih tur thu a sawi bawk a ni. Puan tawh angin France-ah hian November ni 17 a\ang khan lungawilohna lantirin mi \hahnem takin kawr eng an ha a, hmun hrang hranga buaina chhuakah lirthei 200 chuang hal a ni tawh a, dawr te pawh suasam a ni a, mi \hahnem tak an hliam tawh bakah mi 4 an thi tawh a ni.
