Meeting hi President Pu L. Ramdinliana Renthlei in a kaihruai a, CADC Area chhung-ah Chakma ni lo ten ram leh in leh lo engmah a neih theih ta lo te, a ram neitu Mizo te ngei pawn Mizo hming a eng hmun mah a neih theih loh thu te an sawiho a, heng dan an siam te hi \hiah anih theih nana hmalak an tum thu an sawi a, CADC huam chhunga Zohnahthlak khaw awm te harsatna tawh mek pawh zirchiang tur leh thlamuan tura a hmuna kal an tum thu an sawi bawk.
MZP Meeting chuan sorkar enkawl school hrang hranga zirtirtu indaih lo chungchang-ah, zirtirtu indaih loh chhan chu zirtirtu tlem vang niloin zirtirtu awmsa semrual loh vang a ni an ti a, Sorkar chu Thingtlang leh khawpui-a zirna a khairual theih nan zirtirtu awmsa semrual turin a ngen a, Sorkarin zirtirtu a la thar dawn a nih chuan zirtirtu a tana training chhuak leh qualify ngei la turin a ngen tih an sawi bawk.
