Vawiin-a tlawng luia chetsualna thlengah Pu C Lalfakzuala kum 53 mi, Aizawl Electric veng, Pu LN Tluanga fapa chu tuiah a tla nia rin a ni.

0
498
views

Sairang khawtlang hruaitute hnen a\anga Zonet thudawn danin, Pu C Lalfakzuala leh midang pahnih hian Nghalchawm kai bulah mau pum hmanga tlawng lui hi kai an tum nia hriat a ni a, vawiin lamah Sairang kaiah mau pum pakhat, Tlawng lui lianin a rawn len thlak chu mi \henkhatin an lo man a, mau pumah hian iptepui leh bungraw dangte a la awm avangin Sairang khawtlang hruaitute hian Nghalchawm lamah lamkal an tir a, midang pahnihte hi him takin an kai nia hriat a ni a, Pu C. Lalfakzuala erawh chu a chin hriat a ni ta lo a, tuiah a tla nia rin a ni.

Sairang khawtlang hruaitute chuan Tlawng kaiah buk an sa nghal a, Sihhmui kaiah pawh buk sa tur hian an inhriattir tawh a, Pu C Lalfakzuala zawn hna hi an thawk \an nghal a, a awmna veng Electrict Veng mipuite pawh inpunkhawmin Tlawng lui lam an pan tawh a ni.