PM hlui Dr Manmohan Singh chuan pawisa note tih tawp-in ram sum dinhmun leh mipui a \ha lo zawnga a nghawng dan chu a lang chiang tawh hle niin a sawi a, hun kal zela \ha leh mai tura ngaih kha pawisa note tih tawp-ah hi chuan a thlen dik ve loh thu leh a nghawng a lan chhuah nasat telh telh thu a sawi a ni. Pawisa note tih hlum chungchangah hian nilai ni lamah khan Congress thupuangtu Manish Tiwari chuan PM Narendra Modi chu ram mipuite hnena thupha chawi tura an phut thu a lo sawi tawh bawk a, CPIM General Secretary Sitaram Yechury pawhin Modi pawisa note tih tawp chu Modi leh a \huihruai-te chuan pawisa chheprelh tihtawpna bakah, eirukna leh a firfiaka che te nekchepna tur nia an sawi laiin, ram mipuite khawsakphung ti harsatu a nih zawk thu a sawi ve bawk a ni.. Trinamool Congress pawhin Black Day hi zawm ve an tum thu an sawi a ni.
