Vawiin hi kum 1919-a Jallianwala Bagh insuatna rapthlak tak a thlen kum 100-na a ni a, Punjab khawpui Amritsar-a Jallianwala Bagh Memorial-ah a hriatrengna hun hman a ni a, Vice President M Venkaiah Naidu-a’n a hmanpui a ni.

0
185
views

He hun pual hian pawisa thir leh postal stamp a tlangzarh a ni a, nizan lam khan mi \hahnem tak chu mombati chhiin an lo pungkhawm tawh a ni. President Ram Nath Kovind leh PM Narendra Modi te pawhin thi te an hriat reng thu leh an huaisenna leh an inpekna chu theihnghilh a nih ngai loh tur thu an sawi a, Congress President Rahul Gandhi pawhin Jallianwala Bagh Memorial hi tlawhin, Punjab Chief Minister Amarinder Singh leh Congress hotu dangte nen zahna lantirin pangpar an dah a ni.

Kum 1919 April ni 13 khan Jallianwala Bagh-a civil mi pungkhawmte chu khatih hunlaia British Indian Army hotu pakhat, Brigadier General Reginald Dyer-a thupekin silaia pawng kah an ni a, miputie hi khatih hunlaia ram hruaitu, Satya Pal leh Saifuddin Kitchlew te man an nih vanga lungawilohna lantir tuma pungkhawm an ni a, British sipaite hian mi 1600 tling lo deuh an kaphlum a ni. Nilaini khan British Prime Minister Theresa May chuan Jallianwala Bagh-a thil thleng chu an ram tan thil zahthlak tak a nih thu leh pawi a tih thu a sawi a, ngaihdam erawh a dil lem lo a, he mi nia thi chhungte chuan pawi an tih thu ringawt duh tawk loin, Britain sorkar a\ang hian ngaihdam dil an phut a ni.