Vawiin khan Defence Minister hlui George Fernandes chu Delhi khawpuia a chenna-ah kum 88 mi niin a thi.

0
167
views

George Fernandes hian thluak lama natna chi khat, Alzheimer’s a vei a, hun rei tak mipui hmaah pawh a inlan tawh lova, tun hnai khan swine flu natna a vei leh bawk a ni.

Atal Bihari Vajpayee sorkar hnuaia Defence Minister ni \hin Pu Fernandes-a hi Mangaluru, Karnataka lam chhuak a ni a, kum 1970 chho-a socialist movement-ah khan hruaitu pawimawh tak a ni a, Janata Dal a hotu hlun a nih bakah Samata Party a din bawk a, Lok Sabha-ah vawi 9 thlan tlin a ni tawh a, Rajya Sabha-a pawh vawi 1 thlan tlin a lo ni tawh bawk a, Railways bakah Communication leh Industry lamah te Union Minister a lo ni tawh \hin bawk ani.

President Ram Nath Kovind leh PM Narendra Modi te chuan Fernandes hi an ui thu sawiin ram hruaitu \ha a nihzia leh dikna \an tak leh mipuite thuneihna chawinungtu a nih \hin thu an sawi a ni.