Training hawnna inkhawm hi Central YMA Training & Youth Affairs Chairman Pu John Kima’n a kaihhruaia a. Finance Minister chuan thu sawiin, Aluminium, Cement leh Floor Tile phah hna thiam mamawhna sang hle mahse Mizo zingah an tlem a, hnathawh tur tam mahse thawktu thiam an tlem a ni tih hriain Mizoram sorkara Planning Department leh Central YMA te \angkawp chuan heng mistiri hna hrang hranga training a buatsaih chho zel ta hi a lawmawm takzet a ni, a ti a. Mizoten an zir thar leh tur chu hnathawhna kawngah chapo lo taka rawihtute thuhnuaia awm thiam te, hna uluk bakah taima tak leh rinawm taka sum senga min chhawrtute tana thawh thiam hi a ni, a ti bawk.
Planning Secretary Dr.C.Vanlalramsanga pawhin thu sawiin Mizo \halaite hmasawnna tura hmalakna hrang hrang chungchangah Central YMA hruaitute \hahnemngaihna fakawm a tih thu a sawi a. Mizoram sorkar hmalakna pawimawh tak NEDP hnuaia entrepreneurship lama tui \halaite chawikanna leh bul \an sak turin MEDMOC-in hma a la zel a, hemi hnuaiah pawh hian CYMA te nen thawkhovin \halaite tan hmalam eng tak siam chho zel chu an tum ber pakhat a ni, a ti. Central YMA President Pu Vanlalruata pawhin thu sawiin, Mizo Kristiante hi thu \ha kan ngaithla tam a, a zawm hi kan harsat a, insiam\hat kan ngai hle a ni, a ti a. Sorkar hna hi a vang tawh a, chuvangin \halai lehkhathiam tak tak leh sumdawnna lamah pawh hawizau tak takte an rawn chhuak zel a, heng atan hian sorkar hna tlem mahse mahni kea din theihna tur kawng tam tak a la awm a ni, a ti bawk. Vawiina hawn t^k Training hnuaiah hian Aluminium Works, Cement Works & Floor Tile Works zir tur Seat 50 theuh siam a ni a, an zavaiin mi 150-in he training chhung hian Service Provider hrang hrang hnuaiah zirtir an ni dawn a ni.
