Vawiin khan Lok Sabha-ah Speaker Om Birla-a’n Congress MP pahnih tihluihnaa a chhuahtir hnuah Congress member ten buaina an chawkchhuak.

0
485
views

Congress member te hian Lok Sabha roreltu chu beiin, Maharashtra-a sorkarna siam dan chungchang an duh loh thu an auchhuahpui a ni.

Lok Sabha-ah hian Congress leader Adhir Ranjan Chowdhury chuan hetiang thil hi parliament-ah an la hmachhawn ngai lo tih sawiin, mipuite chunga sorkar chet dan tur chu an ngaihchan tur thu a sawi bawk.

Union Minister, Rajnath Singh, Ravi Shankar Prasad leh Pralhad Joshi te chuan parliament pahnih, Lok Sabha leh Rajya Sabha-a member te dodalna khauh tak an phut tih Speaker an hrilh a, House chu thunun theih loh khawpa a awm an remtih loh thu sawiin, party zawng zawng te chuan thianghlimna leh hawihhawmna te Lok Sabha-ah an vawng tur a ni tih an sawi bawk.

Hemi hmalam hian Congress MP te chu Lok Sabha rorelna tualzawlah an chhuak khawm a, Speaker Om Birla chu panin an thu ziah an keng a, Maharashtra-ah democracy tihtawp a ni a, chu chu titawp turin sorkar an phut tih an auchhuahpui a ni. Hetihlai Congress President Sonia Gandhi chuan an party-a hmeichhia te chu nekchepin awm tih a sawi a ni.