Vawiin khan President Ram Nath Kovind-a’n Rashtrapati Bhawan-ah Padma award a sem.

0
374
views

He chawimawina dawng turte hi Republic Day ni hma khan puanchhuah an lo ni tawh a, hmeichhe 21 leh Foreigner, Non-Resident Indian, Person of Indian Origin, Overseas Citizen of India category a\angin mi 11 leh an nihna thlak transgender 1 an tel a, an vaiin mi 112 an ni. Vawiin khan mi 56 te hnenah he chawimawina hi hlan a ni a, a dawng tur dangte hi tun thla tawpah hlan an ni ang.

Tun kum hian Padma Shri 94 semchhuah a ni a, a dawngtute zingah infiam mi Sunil Chettri, Gautam Gambhir, Harika Dronavalli, Sharat Kamal te, Lamthiam mi Nartaki Natraj te, loneitu Kamala Pujhari leh Ram Saran Verm te leh khawtlang tana hnathawk \ha Social Worker Muktaben Dagli te an tel a ni.

Chhattisgarh a\anga zaithiam Teejan Bai, Djibouti Ismail Omar Guelleh President, lehkhabu ziak mi leh Maratha chanchin hlui zirmi history scholar Babasaheb purandare leh L&T-a executive chairman Anil Kumar Manibhai Naik te’n Padma Vibhusan an dawng a, Padma Bhushan hi mi 14 te hnenah pek a ni a, chung zingah chuan Scientist Nambi Narayan, Malayalam lemchan thiam Mohanlal, South Africa politician Pravin Gordhan leh journalist thi ta Kuldip Nayar-a te an tel a ni.