Trinamool Congress MP hlui Kunal Ghosh hi kum 2013 khan Saradha sum tihchingpenna-ah hian inhnamhnawih-a rinhlelh vangin man a lo ni tawh a, kum 2016 a\ang khan bail-a chhuah a ni. Supreme Court-in sum tihchingpen chhuichian hna CBI hnena a hlan hma khan, Rajeev Kumar-a hi hemi chungchang chhui tur-a West Bengal CM Mamamta Banerjee-i’n a ruat Special Investigation Team kaihruaitu a ni a, CBI te’n sum tihchingpennaa lekha pawimawh tichhia-ah an puh a ni.
Heng mi pahnihte hi Shillong-a CBI office-ah Pathianni khan thuzawhfiah an lo ni tawh a, CBI hian Kunal Ghosh-a lekha ziah, phek 91-a sei chu \anchhanah an hmang a, he lehkhaah hian Trinamool party a\anga hnawh chhuah tak, Ghosh-a chuan Mamata Banerjee thlawptu lian ber ni \hin, tuna BJP hotu ni mek Mukul Roy leh mi 12 dang Saradha sum tihchingpenna thubuai-a an inrawlh dan leh hemi chungchang chhuinaa Rajeev Kumar-a inrawlh dan te tarlan a ni.
