Vawiin khan venhimna khuah tak hnuaiah Afghanistan-ah President thlanna neih a ni.

0
393
views

Afghan President thlanna neih hma hian Taliban hel pawlin polling station an bei dawn tih thuchhuah an siam a, Afghan ram chhung zawng zawnga vote thlakna hmun te chu sipaiten an veng uluk hle a ni. Kandahar-ah chuan polling station bul lawkah vote thlak tur hawn a nih rualin bomb a puak a, mi 16 vel an hliam a, amaherawhchu, he bomb puak vang hian mipuite chuan vote thlak an \hulh phah chuang lo a ni.

Election Commission thupuangtu Zabi Sadaat sawi danin vauna karah vote thlak tura thawk chhuak an tlem hlauhthawn a nih laiin ram chhung hmun hrang hrangah vote thlak tur mipui tam tak an pungkhawm a, vote thlak hlan an nghakhlel hle zawk a ni.

President thlanna chuhtute hi Ashraf Ghandi leh chief executive Abdullah Abdullah te an ni a, an ni pahnih hian kum 2014 a\ang khan thuneihna insemin ro an rel dun a ni. President atana thlantlin chuan Afghan-a hun rei tak indona lo awm tawh chu a chhawm chho dawn a ni.