Vawiin Lok Sabha rorel inkhawmah Citizenship Amendment Bill bakah bill dang pawimawh tak tak pahnih, general category-a awm mekte zinga rethei zual, zirna in sanga lut tur leh sorkar hna diltute duhsak bikna tur bill leh Triple Talaq bill te sawiho a ni.

General Category chhung awm si, rethei zualte tana zirna in sanga seat zaa 10 hauhsakna tur leh sorkar hnaruak zaa 10 hauhsakna tur bill hi Lok Sabha chuan nimin khan a pass tawh a, Lok Sabha Speaker Sumitra Mahajan sawidanin bill hi member 323 in an thlawp a, member 3 in a thlawp lo zawngin vote an thlak a ni.

Triple Talaq Bill pawh Rajya Sabha ah hian pass hmabakin a awm mek a, Muslim mipaten vawi leh khata an nupuite an mak theihna, Triple Talaq tia sawi khapna tur dan hi Lok Sabha chuan December thla khan pass in member 245 in an thlawp a, member 11 in an thlawp lo thung.