Vawiin Mizoram Assembly rorel inkhawmah resolution pahnih pass a ni.

0
380
views

ZPM Member, Pu Vanlalhlana Private Member’s Resolution putluh, ‘United Nations Declaration of Right of Indigenous People 2007 hi a hlawhtlin nan India sorkarah na takin nawr ni rawh se’ tih chu sawiho a nih hnuah lungrual taka pass a ni a. He Resolution hi opposition member resolution nimahsela, sawihonaah hian opposition member leh ruling party member te chuan resolution \ha an tih thu leh lungrual taka pass an duh thu an sawi a, hemi hnua Speaker, Pu Lalrinliana Sailovin vote a lakin House member te chuan lungrual tlang takin resolution chu an pass ta a ni.

He Resolution pass a nih hnu hian MNF Member, Pu Lalrintluanga Sailo Private Member’s Resolution, ‘Kan khawpui Aizawl laili taka awm, Assam Rifles, hunrei tawh tak a\anga chhuak tura ruahmanna lo siam tawh, an lo chhuak dawn ta hi lawmawm kan ti’ tih lungrual taka pass a ni bawk.

A tira he resolution putluhah chuan ‘Kan khawpui Aizawl laili taka awm, Assam Rifles, hunrei tawh tak a\anga chhuak tura ruahmanna lo siam tawh chu Pu Zoramthanga kaihhruai sorkar tharah an lo chhuak dawn ta hi lawmawm kan ti hle a ni’ tih a ni a, hun engemawchen sawiho a nih hnuah leh member thusawituten \ha tia an thlawp thu an sawi hnuah House Leader, Pu Zoramthanga chuan Aizawl khawpui laili a\anga Assam Rifles sawn chhuah an nih theih nan District Council hunlai a\anga lo beih tawh a nih thu te, chu chu UT sorkar Pu Ch. Chhunga kaihhruai khan a chhunzawm thu te, a hnua sorkar te pawhin an beih chhunzawm thu leh Pu Laldenga kaihhruai MNF sorkarah khan remruatna siam famkim a ni ta a, Zokhawsang rama sawn chhuah an nihna tura inremna siamah khatihlaia Aizawl Bawrhsap, Pu Dengchhuana leh Assam Rifles hotuten an hming an sign tih a sawi a, Assam Rifles te sawn chhuah an nih theihna tura beitute hi mi tam tak an nih avangin, Pu Zoramthanga chuan ama hming tihlan chu \ha lova a hriat thu sawiin, resolution siam danglam a rawt a, a rawtna chu pawm a nih hnuah he resolution, ‘Kan khawpui Aizawl laili taka awm, Assam Rifles, hunrei tawh tak a\anga chhuak tura ruahmanna lo siam tawh, an lo chhuak dawn ta hi lawmawm kan ti’ tih chu lungrual taka pass a ni ta a ni.