Vawiin Upate Ni, International Day of Older Person lo thlengah khan National Health Mission hnuaia National Programme for Health Care of the Elderly leh Mizoram Upa Pawl, Durtlang Unit \angkawp chuan Durtlang Multipurpose Community Hall-ah a thlawna inentirna leh natna inkaichhawn theih loh chanchin inhrilhfiahna an buatsaih.

He inkhawm hi Aizawl Deputy Mayor, Pu Lalringliana pawhin a hmanpui a ni. He inkhawmah hian National Programme for Health Care of the Elderly State Nodal Officer, Dr. Eric Zomawia chuan natna inkaichhawn theih loh upate zinga tam si chungchanga thil hriat tur te a sawi a ni. Aizawl Deputy Mayor, Pu Lalringliana pawhin upate chu tawnhriat ngah, \halaite tan hnam rohlu an ni tih sawiin, \ha taka enkawla chawimawi chu khawtlang tih tur niin a sawi bawk. He free clinic-ah hian thisen thlum leh thlum loh en a nih bakah blood pressure te ensak an ni a, khawl hmangin an mit leh beng dinhmun te enfiahsak an ni bawk.
Free clinic-ah hian Health Department-a Doctor leh anmahni puitute chuan mi 95 hriselna dinhmun an enfiah sak a ni.