Vawiina Aizawl Press Club-a thuthar lakhawmtute a kawmnaah NPP chu hmarchhak bial leh tlang mite hmasawnna hna thawk tura din a ni a ti a, an thil tum leh duh zawng pawh BJP nen chuan thil hrang hlak a ni a, tunah hian hmarchhak bialah NPP chauh chu BJP thunun theitu awmchhun a ni a ti a, Manipur leh Nagaland-ah NPP vangin BJP in sorkar a siam a, hei hi an tihtawp chuan BJP chu sorkar lo thei a nih avangin an thawk ho a ni a ti a, an thawh ho avangin BJP leh NPP chu thuhmun an ni tihna a kawk lo tih Dr. Lalrina Zahau chuan a sawi.
Nagaland a\anga lo kal, NPP General Secretary, Pu Sasank Ghatraj pawhin, Mizorama NPP din a nih chhan chu Mizo mipuite nena hmasawnna hna thawhho an duh vang a nih thu a sawi a. Mizoramah hian Political party an nih anga in din satliah an ni lova, mipuiten an mamawh ang hmasawnna chak zawk an neih theih nana hnathawk tura lo kal an ni tih sawiin, Mizo mipuite chu NPP thil tum leh hmachhawpte ngun taka zirchiang turin a ngen a ni.
Zawhna chhangin Mizorama NPP Converner, Pu Lianzuala chuan, November ni 28-a Mizoramin Assembly inthlanpui a hmachhawn turah Candidate tam thei ang ber siam an tum thu a sawi a. |halai lehkhathiam zingah an Party ngaihlutu mi engemawzat an awm a, tunah hian candidate nih duh mi 25 vel an hnena inhriattir an awm tawh thu leh heng mite hi an zirchian hnuah Candidate tur chu puan chauh an nih tur thu a sawi.
