Jail tang te’n jail tlawhtu engemawzat an hreng a, special force FAES te’n chhanchhuah an tumnaah an inbei a, jail tangte hian ralthuam lo kawlin police te nen hian an inkap a, grenade 2 tihpuah a ni bawk. Pawl pakhat ‘Una Ventana a la Libertad’ director Carlos Nieto chuan jail tang 23 an thi a, police 14 an hliam tih a sawi a, prison ministry chuan police station jail te hi an thuhnuaia awm an ni loh avangin he thil thleng chungchangah hian sawi theih an nei lo tih an sawi. ‘Una Ventana de la Libertad’ chuan jail tangte a rei bera darkar 48 chhung hren theihna detention facility-ah hian buaina a thleng fo tih an sawi a, ram chhunga detention facility 500 awmah hian mi 8,000 hren theih an nih laiin mi 55,000 hren an nih thu an sawi a ni.
Chanchin Thar Venezuela-a lung in-a lung in tangte leh police te innawrnaah lung in...
